حركات غبيه بس برضه بنعملها !!!!!!!!!!

بصراحه في حركات غبيه بنعملها في حياتنا اليوميه
و احنا عارفين انها غبيه ورغم كده بنعملها..ليه؟؟؟مش عارفة
المهم مش هطول عليكم.....

* ليه اذا كانت بطارية الريموت كنترول ضعيفه
نضغط بكل قوتنا على الزراير؟؟؟؟
>>يعني ايدك هتشحن البطاريه !!!

*ليه بنوطي صوت الكاسيت
في العربية اذا توهنا في الطريق؟؟؟
>>يعني كدا هنعرف الطريق !!!

*ليه اذا شفنا على الحيطة:
احترس من الدهان والبويه؟...مانصدقش ونجرب بصوابعنا..
>> يعني لازم يحلفوا على المصحف علشان تصدق !!!

*ليه اذا تأخر الأسانسير نضغط على الزرار 100مرة؟؟؟
>>يعني كدا هيحس على دمه وهيفتح !!! ]

*ليه لما بنشرب الكوكاكولا ونخلصها نهز علبه الكانز؟؟
>>يعني صعبان علينا الشوية اللي باقيين !!! ]

*ليه لما نكون قاعدين فى مكان عام ونسمع رنة message ولارنة موبايل
على طووووول نبص على موبايلنا؟؟
>>ليييييه مهمين للدرجه دي علشان يرن بين البشر دي كلها !!! ]

*ليه اذا لعبنا بلاي ستيشن (لعبة سيارات) نلف مع السيارة
اذا تحركت يمين ويسار؟؟
>>كأننا احنا السيارة مثلا !!!

*وليه إذا جينا نشكر واحد على موضوع كتبه فى المنتدى نمد الحروف ونكتب
مشكوووووووووووووووووووووووووووووووووووووووور
>>يكون شكرناه من القلب يعني في النقطة دي زي الاعتراف بالحق فضيلة !!!

****حركات ****

انا تقريبا معظمها بنفذها هاه يلا كل واحد يقولنا بيعمل كده ولا ؟؟؟ اعترفوا ..؟؟؟؟؟؟؟؟
((منقووووووووول طبعا))

انتي فضلتي انك تختمي الموضوع بنهاية مخالفة لكل كلامك
وخاصة للبند الاخير:
((منقووووووووول طبعا))
اية رايك بقي انا حقتصد في ضحكي وشكري
ههه
شكرا

KABO كتب:

انتي فضلتي انك تختمي الموضوع بنهاية مخالفة لكل كلامك
وخاصة للبند الاخير:
((منقووووووووول طبعا))
اية رايك بقي انا حقتصد في ضحكي وشكري
ههه
شكرا

لالالا يا دكتور بص بص السطر اللى فوقيها على طووووووووول هتلاقينى كتبه ايه ؟؟؟؟؟
هتلاقينى كتبت : (( انا تقريبا معظمها بنفذها ...)) !!!!!!!!!
يعنى مش مخالفه لكلامى ولا حاجة !!!!!!
يالا على العموم شكرا ليك يا دكتور ....

بعضها بيحصل معايا بس مش كلها
اعترض على
*ليه بنوطي صوت الكاسيت
بنوطى صوت الكاسيت علشان نقدر نركز لأن الصوت العالى بيضعف التركيز

*ليه اذا تأخر الأسانسير نضغط على الزرار 100مرة؟؟؟
حركه بديهيه لان الأسانسير ممكن حد تانى يسحبه

والباقى بيحصل كتير
مشكوووووووووووووووووووور